CAGAYAN DE ORO CITY – Kasuhan sa pagpanglugos ug pagpatay ang lalaki nga suspek sa kamatayon sa tinun-an nga nakit-ang wala na’y kinabuhi sa biniyaan nga balay sa Brgy Natumulan,Tagoloan,Misamis Oriental.
Kini human nasikop sa kapolisan ang suspek nga si Justin Villanueva,18 anyos,ulitawo ug nagpuyo sa maong lungsod.
Miingon si Tagoloan Police Station commander Maj Rogelio Manalang nga nasubay nila ang lokasyon sa suspek pinasikad sa nagpakabanang testigo kabahin sa hitabo.
Gani,nakaangkon si Villanueva dihang si Tagoloan Mayor Enan Sabio na ang miimbestigar nga gilugos,gi-finger ug gipatay niini ang biktima kay daw wala mosugod nga sila maghilawa sa miaging kadlawon sa Domingo.
Samtang dili makatoo ang inahan sa rape-murder suspect nga nahimo kini sa iyang anak nga molugos ug mopatay sa 18 anyos nga babaye diha sa Brgy Natumulan,Tagoloan,Misamis Oriental.
Miingon si Regina Villanueva nga posible nga laing tawo ang mihimo sa kremin ug ang iyang anak nga inosente sa hitabo.
Namahayag si Villanuea nga walay criminal record ang iyang anak ug gani masaligan niya kini sa mga gimbuhaton sa ilang pinuy-anan.
