CAGAYAN DE ORO CITY – Gikompirmar sa Roads and Traffic Administration nga usa ka Super Five Bus nga may plaka – AGA 9268 ang nadiskarel sa dalan sa Purok 7 Upper Puerto ning syudad, kaganina sa udto.
Sa interbyu sa Bombo Radyo sa Traffic Investigator sa Puerto Police Station, padulong ang bus sa Cagayan de Oro City sa dihang nabanggaan niini ang punuan sa kahoy.
Nabali ang punuan hinungdan sa pagkahulog sa bus.
Samtang mi-aksyon pagkahulog ang bus sa pang-pang kalit nga mi-ambak ang driver gawas sa bus.
Nakahi-agom sa grabeng samad sa lawas ang driver sa bus ug gideklarar kining patay sa nakaresponsa nga mga rescuers sa CDRRMC ug Bureau of Fire Protection.
Naila ang driver nga si Rito Reyes, 47, molopyo sa Bangontaas, Bukidnon.
Dili muminos sa 30 ka pasahero ang sakay sa bus nga gikan pa sa Bukidnon.
“Hinay man ang among dagan, nagsayaw sayaw ang among gisakyan. Mi-ambak ang drayber ug iya ming gibiyaan. Nabangga dayon mi sa gemilina nga punuan, ug nahulog ang bus”, ingon sa pasahero ng senior citizen.
Hisayran nga samaron sab ang maong ginang sa pagrescue kaniya.
Inisyal nga samaron:
Bonifacio Toyhurada, 65
Feliciano Toyhorada
Ian Dicuay, 31
Erica Tugot, 21
Ian Rey Dicuay, 10 months old
Jong Cris Alcuzala
Mr. Roger and Mrs. Emma Embudo
Bembem Doydora
Camillo Sundo
