CAGAYAN DE ORO CITY – Napatay sa kapolisan ang usa sa miyembro sa Perez Robbery Group nga unang nakigpinsuilay sa mga pulis nga naka-checkpoint sa Poblacion,Libertad,Misamis Oriental.
Kini ang kompirmasyon ni Misamis Oriental Provincial Police Office Director Col Robert Roy Bahian subay sa progress report nga gipaabot sa operating troops nga nangita sa mga suspek sa maong lugar.
Miingon si Bahian nga pabilin pa nga giila ang suspek diin gihulatan pa ang mga personahe sa Scene of the Crime Operatives o SOCO nga mohiling kaniya.
Una nang napatay sa kapolisan ang kauban sa pinakaulahing nadakpan nga suspek nga si Jephone Fabriga Tinamisan nga taga-Ozamiz City samtang naaresto usab sila si Mickey Abellana nga taga-Tangub City,Misamis Occidental ug Richardson Perez nga taga-Cebu City apan kasamtangang nagpuyo ning syudad sa miaging adlaw.
Sila ang nakigpinusilay hinungdan nga napatay si Police Staff Sargeant Ronald Caayupan ug samaron si Chief Master Sargeant Fernando Maestrado nga maoy miharang sa Mitsubishi Mirage kolor puti nga gisakyan sa mga suspek sa miaging gabii.
Hisayrang mismo si Police Regional Office -10 regional director Brig Gen Rolando Anduyan ang nagkompirmar nga nagggikan sa Misamis Occidental ang maong grupo nga dugay nang gisunod-sunod sa mga otoridad sa rehiyon.
