CAGAYAN DE ORO CITY – Patay ang motorista human nagkabangga ang gisakyan nga motorsiklo ug sakyanan sa bise mayor sa El Salvador City diha sa Brgy Taytay sa maong syudad kagabii.
Giila ang namatay nga si Fernando Jagling Jr., hingkod ang panuigon ug residente sa Dipolog City, Zamboanga del Norte.
Base sa report, kusog ang dagan sa raider motorcycle nga gimaneho sa biktima ug mibangga kini sa pick up montero nga gipanag-iyahan ni El Salvador City Vice Mayor Engr Agripino Estrada ug gimaneho ni Erick Manalondong.
Hisayran nga sakay sa iyang sakyanan ang opisyal dihang nahitabo ang dugoong aksidente. Mag-atubang sa kasong reckless imprudence resulting to homicide si Manalondong.
