CAGAYAN DE ORO CITY – Gipamugos ni Atty Angel Lim, legal counsel sa magti-ayong negosyante nga walay kalabutan ang iyang kliyente sa operasyon nga gihimo sa ilang kaila nga si Jephone Fabriga Tinamisan, kinsa napatay sa shootout sa Libertad Misamis Oriental sa milabay’ng adlawa.
Mipasabot si Atty Lim nga naghulam ang napatay nga suspek nga si Tinamisan sa sakyanan sa iyang kliyente niadtong adlaw’ng Lunes ug mipadulong kini sa El Salvador City.
Wala magdahom ang magtiayon nga musangit ang ilang sakyanan sa Libertad kay gigamit kini sa mga giakusahang organized criminal group sa Misamis Oriental.
Una niini, gisilbi sa Carmen Police Station ang search warrant sa pagtoo nga dunay gitaguan nga mga armas ang magti-ayon sama sa duha ka high powred firearms nga gilangkuban sa usa ka armalite ug shutgon; usa ka kalibre 45 nga armas ug dili matino nga gidaghanon sa bandollier sa bala subay sa nakalatid sa search warrant.
