CAGAYAN DE ORO CITY – Mukabat sa 203 ka portable thermal scanners ang nakompiskar human hiniusang gironda sa National Bureau of Investigation, kuyog ang Food and Drug Administration, Department of Trade and Industry ug City Regulatory Complaint Board, ang usa ka medical supplies stores sa Brgy. Gusa ning syudad.
Gibutyag ni Tonette Melgo, FDA representative, nga napakyas ang tag-iya nga si Lorna Chong, sa pagpresentar sa tolo ka mga dokumento nga magpamatuod nga lihitimo ang iyang pagpamaligya sa mga scanners.
Lakip sa gipa-comply sa mga otoridad sa tag-iya ang license to operate, certificate of products, ug resibo gikan sa supplier. Hisayran nga 17 na ka tuig nga nag-operar ang gironda nga tindahan.
