CAGAYAN DE ORO CITY – Paslak na sa prisohan ang usa ka alyas Daddy Louie o Sugar Daddy nga gitudlong bugaw o may sakit nga pedopilya sa Brgy Canitoan ning syudad.
Sumala ni Police Corporal Yannie Zarate nga milusad sila sa entrapment operation aron madakpan ang suspek.
Kuyog ang usa ka menor de edad nga biktima ug ang mga elemento sa Anti Cyber Crime Unit sa Police Regional Office -10, nasikop ang suspek ug gidala na sa Maharlika detension cell.
Una niini, sagad biktima ni Daddy Louie ang 9 hangtud 14 anyos nga mga menor de edad. Patung-patong nga kaso ang atubangon sa suspek sa piskalya ugmang adlawa.
