CAGAYAN DE ORO CITY – Gikompirmar sa kapolisan nga may person of interest na sila nga mahimong makuhaan sa impormasyon kon ngano nga gipusil-patay ang negosyante nga si Carlos Lam diha sa Brgy Canitoan ning syudad.
Miingon si Capt Mario Manatala Jr,hepe sa Bulua Police Station nga dili pa nila matug-an ang motibo ug anggulo sa pagpatay sa biktima samtang kamulo ang pagpanguha nila sa impormasyon ug ebedensiya sa kremin.
Si Lam ang dead on the spot sulod sa iyang sakyanan dihang gidul-itan kini’g pusil sa nag-inusara nga suspek kagahapon sa hapon.
Samtang,gikakurat sa mga kaila sa negosyante nga si Lam ang kalit nga kamatayon niini dihang gipapatay samtang gikan namalit sa mga manok-pansabong sa Opol,Misamis Oriental pag-abot sa iyang farm sa Brgy Canitoan ning syudad.
Gihulagway ni ABC President Kag Alam Lim nga tarong ug walay kontra nga klase sa pagkatawo si Lam.
Gani,paryente sa asawa ni Lim ang biktima kinsa naila nga walay problema nga pagkatawo.
Si Lam ang stakeholder sa Igpit Sports Arena sa Opol ning lalawigan ug tag-iya usab sa daghang branches sa Shanghai Bakery ning syudad.
