CAGAYAN DE ORO CITY – Napatay sa kapolisan ang most wanted no.2 provincial level ug laing kauban niini samtang isilbi unta ang warrant of arrests sa kasong pagpatay ug pagpangdagit sa Marawi City,Lanao del Sur.
Kini human giingong misukol ang target nga si Kadhaffy Ayunan ug ang iyang kauban nga si Garcia Riraya ngadto sa mga pulis nga modakop unta kanila sa miaging kadlawon.
Gibutyag ni Lanao del Sur Provincial Police Office Dir Col Rex Derilo nga nakaikyas usab ang laing target nga si Amerodin Dimacutan Ibra Maute Dimacuta samtang dunay pagmagahi sa mga suspek nga mitahan sa mga otoridad.
Kasuhan usab sa PNP si Dimacuta tungod kay napatay ang 13 anyos nga batan-on kay napusilan sa mga suspek tungod sa ilang pagsukol.
Narekober ang mga bandila sa teroristang ISIS,components sa paghimo’g improvised explosive devices ug mga bala sa M-14 nga armas sa miaging Marso 26 sa kadlawon.
