CAGAYAN DE ORO CITY – Naka-kustodiya si Police Lt Col Jovie Espenido ug laing duha ka pulis sa mismong Ozamiz City Police Station sa Ozamiz City,Misamis Occidental epektibo kagahapong adlawa.
Kini human mitahan si Espenido ingon man si Police Executive Master Sgt. Renato Martir Jr ug Police Cpl. Sandra Louise Bernadette Bantilan tungod sa unom ka kasong homicide nga gipasaka sa usa ka Carmelita Manzano tuig 2018.
Mitahan si Espenido tungod sa warant of arrest nga gipagawas sa Dept of Justice sa mga kasong homicide ug arbitray detention nga gipasaka ni Manzano batok kanila.
Una nang napatay sa grupo ni Espenido ang bana ni Carmelita nga si Francracio,ilang anak nga si Jerry ug ang live-in partner sa iyang laing anak nga si Victorino Mira Jr,pag-umangkon nga si Lito Manisan ingon man ang kaipon nga si Romeo Libaton ug Alvin Lapeña samtang naglipay-lipay sa Brgy Cabinte niadtong Hunyo 1,2017.
Namugos si Espenido nga mga notado nga sakop sa mga sakop sa pamilyang Parojinog ug mga miembro sa Matilyo Gang ang mga napatay kinsa may mga kaso usab sa illegal drugs activities sa Ozamiz City.
Hinoon,gipasalig ni Espenido nga andam nila nga atubangon ang mga kaso nga gipasaka batok kanila.
