CAGAYAN DE ORO CITY – Patay ang duha ka construction workers samtang laing mga kauban niini ang samaron sa pagpamusil samtang naghimo sila’g tulay sa Brgy Udalo,Piagapo,Lanao del Sur.
Giila ang mga namatay nga sila si Victor Valleos,47;Luke Daco,20 samtang samaron Johnie Salazar,19 ug Pangaan R Pangaan,18 nga tanan mga residente sa Iligan City,Lanao del Norte.
Gibutyag ni Piagapo Police Station commander Lt Jamilluden Samo nga kalit lamang mibutho ang suspek nga si Arafat Amino,19 anyos ug gilayong pusil sa mga biktima gamit ang kalibre 45.
Gilayong patay sila si Daco ug Valleos samtang nadala sa Amai Pakpak Medical Center sa Marawi City sila si Pangaan ug Salazar.
Pagdumot ang nakita sa mga otoridad kon nganong gihimo sa nakasibat nga suspek ang kremin.
