CAGAYAN DE ORO CITY – Kasuhan sa double homicide sa kapolisan ang ten wheeler truck nga hinungdan sa kamatayon sa magtiayong mag-uuma sa Purok 4,Brgy Sinangguyan,Don Carlos,Bukidnon.
Giila ni Don Carlos Police Station commander Maj Jose Sevellino ang mga biktima nga si Winifredo ug Wendelyn Agustin nga legal ang edad kinsa nagmaneho usab sa ford ranger pick up truck sa dihang natigayon ang karambola sa mga sakyanan.
Gibutyag ni Sevellino nga gikan sa lungsod sa Maramag ang ten wheeler truck nga kargado sa mga tubo nga gimaneho ni Florentino Enad sa dihang nawad-an sa preno hinungdan mibangga kini sa upat ka mga sakyanan.
Apan walay suwerte nga na-grabehan ang magtiayon kay mipatong pa sa ilang sakyanan ang ten wheeler truck nga nagresulta sa ilang kamatayon kagahapon sa buntag.
