CAGAYAN DE ORO CITY – Giklaro sa kapolisan nga walay indikasyon nga adunay foul play ang kamatayon sa 62 anyos nga trisikad driver nga nakit-ang naghikog-patay sulod sa kaugalingong lawak diha sa Colrai,Brgy Puntod ning syudad.
Giila ni Macabalan Police Station commander Louie Fernandez ang biktima nga si Eleuterio Roleta,kanhi may kapikas ug nagpuyo sa maong lugar.
Subay sa inisyal nga imbestigasyon,dugay nang naghambin sa kagul-anan ang biktima kay nagkabulag sila sa iyang kapikas.
Napun-an usab ang kaguol sa biktima kay wala na kini maka-drive sa trisikad kay pakyas man usab makapa-bakuna aron kalikayan ma-impeksyon sa COVID-19 sa ilang dapit.
