CAGAYAN DE ORO CITY – Tratado nga sulbad na ang kasong pagpusil-patay sa 26 anyos nga ulitawo nga unang nabaniug nga dunay gika-relasyong babayeng minyo diha sa Purok 6,Sitio Baloy,Brgy Tablon ning syudad.
Kini human nadakpan ug kasuhan na sa murder ang sekyu nga suspek nga si Edwin Molejon,47 anyos tungod sa pagsilbing respondent sa kamatayon ni Mark Anthony Fernandez nga managsama nga residente sa lugar.
Gibutyag ni Cugman Police Station commander Capt John Real de la Cerna nga ilang gidakop si Molejon subay usab sa testimonya sa pipila ka testigo nga nakasaksi sa pagusil niini gamit ang kalibre 38 ngadto sa biktima.
Hinoon,wala angkona sa suspek nga may kasuko kini sa biktima apan sekreto usab niini gisulti sa PNP nga mibati siya’g selos sa wala ang dugu-ong hitabo sa miaging gabii.
Samtang kusganong gihimakak ni Molejon nga duna kini kalabutan sa kamatayon sa 26 anyos nga batan-on diha sa Brgy Tablon ning syudad.
Namugos ang suspek nga wala kini sa crime scene apan may gidalikyatan daw nga importante sa Brgy Puerto sa maong panahon.
Nagdumili na usab paghatag sa dugang komento ang suspek ug hulaton na lamang nga ipaatubang sa korte aron tubagon ang pasangil batok kaniya.
