CAGAYAN DE ORO CITY – Gipanghimakak sa kapikas ni late Dr Raul Winston Andutan Jr nga si Dr Maria Milagros Andutan nga kalambigitan sa laing babaye kon nganong gipapatay kini sa Brgy Nazareth ning syudad sa miaging Disyembre 2021.
Kini ang eksklusibong katin-awan ni Dra Andutan sa Bombo Radyo interbyu.
Miingon si Andutan nga dili kini mahimo sa iyang bana tungod kay sulod sa 35 ka tuig nila nga pagsilbing magtiayon,wala sila sukad nagbaton sa problema kabahin sa isyu sa pang-babaye.
Katin-awan kini sa doktora batok sa gipalutaw sa grupo ni detained Balingoan vice mayoralty candidate Richard Gepte nga giingong gipapatay si Andutan kinsa medical director sa Maria Reyna Xavier University Hospital kay dunay laing babaye nga gika-relasyon.
Si Dra Andutan miingon nga maampingon sa reputasyon ug dignidad ang iyang bana ilabina nga emeritus awardee kini sa ilang Philippine of Uroligical Association.
