CAGAYAN DE ORO CITY – Napahimungtan lamang sa kaugalingong kabanay rason nga gipatay ang hepe sa PNP-Highway Patrol Group-Lanao del Norte samtang mohimo unta pag-vigil sa Brgy Pagalungan,Sultan Dumalondong,Lanao del Sur.
Kini ang gibutyag ni Lanao del Norte PNP spokesperson Lt Col Salman Saad nunot sa tinguha unta ni Maj Omar Tago nga masulbad ang ‘rido’ sa ilang mga paryente sa maong lugar.
Miingon si Saad nga tungod sa kultura nila sa ‘rido’ sa tribung Maranao,hayan modako pa ang away-pamilya ni Tago.
Una nang giporma ang SITG-Tago aron paspas masulbad ang kasong pagpatay sa biktima kinsa giingong hinimuan sa mga suspek nga sila si Olo Mabaning Moraki;Saminoden Gasa Moraki;Jalaloding Moraki Gasa ug Nasroding Gasa Moraki nga pulos taga-Lumbatan,Lanao del Sur.
Samtang gipanganti sa kapolisan nga dili nila lung-an sa pagpangita ang mga responsable sa pagpusil-patay kang Tago ug kauban niini.
Kini human walay ku-kalooy nga gipusil ang mga biktima samtang nag-bisita ang police official sa iyang paryente nga namatay sa Brgy Pagalungan, Sultan Dumalondong, Lanao del Sur.
Gibutyag ni Lanao del Sur Provincial Police Office spokesperson Lt. Col. Ajid Manalumpong nga ila nang kasuhan ang mga responsable ilabina nga nailhan kini sa mga nakasaksi sa krimen.
