CAGAYAN DE ORO CITY -Nadakpan sa hiniusang operasyon sa PNP ang tulo ka suspetsado nga nalambigit sa paghimo’g mga peke nga COVID-19 vaccination card diha sa Chavez- Pabayo Streets,Brgy 3,ning syudad.
Giila ni Police Regional Office 10 spokesperson Lt Col Michelle Olaivar ang mga dinakpan nga sila Acmad Macapaar Musa,28;minyo;Jamaloden Ampaso Pacasum,36; mga minyo nga taga-Marawi City ug Faisodin Dimakuta Comacasar,32 anyos nga residente sa Marantao,Lanao del Sur.
Gibutyag ni Olaivar nga nadakpan ang mga suspek tungod sa ilang paggama sa mga peke nga vaxx card ug pag-falsify usab sa ubang govt documents.
Nakompiskar sa Regional Special Operations Unit 10 ang pito ka tag-500 pesos ug halos 10 ka fake vaccination cards ug ubang mga ebedensiya.
Kasuhan sa PNP ang mga suspek sa piskalya ning adlawa.
