CAGAYAN DE ORO CITY – Nadakpan saa pinaagi sa entrapment operation sa tropa ni City Mobile Force Company commander Lt Col Alfredo Ortiz Jr ang duha ka tawo nga nagpail nga sakop sa rebeldeng New People’s Army o NPA nga giingong nangilkil sa dakong negosyante diha sa Brgy Kauswagan ning syudad.
Giila ni Ortiz ang biktima nga si Herman Montemor,45 anyos nga nagpuyo sa Dumvee Compound sa maong lugar.Gibutyag sa mga otoridad nga naila usab ang mga suspek nga sila si Jimboy Mahinay ug Michael Bryan Fabela nga pulos taga Baluarte,Tagoloan Misamis Oriental.
Unang midangop ang empleyado ni Montemor nga si Rolando Tutor sa Carmen Police Station aron mangayo’g tabang hinungdang gilayong mi-aksyon usab ang tropa sa CMFC special unit sa COCPO.
Gitakdang kasuhan sa pagsupak sa Republic Act 294 extortion ang mga suspek sa piskalya ning adlawa.
