CAGAYAN DE ORO CITY – Gitoohan sa kapolisan nga dunay foul play ang kamatayon sa kolehiyala nga nakit-ang patay sa Sitio Crossing,Brgy Mambayaan,Balingasag,Misamis Oriental.
Giila ang biktima nga si Jessa Villadores,32 anyos,may kaipon ug nagpuyo sa Brgy Agay-agayan,Gingoog City ning lalawigan.
Gibutyag ni Police Sgt Ryan Na-in,imbestigador sa Balingasag Police Station nga angayang mapaubos sa otopsiya ang biktima aron masuta kon wala pa ba kini lugusa ayha gipatay.
Nagtoo ang kapolisan nga patay nang daan ang biktima ug igo na lang gilabay sa lugar sa miaging gabii.