CAGAYAN DE ORO CITY – Gikasuhan sa kasupakan sa special law for counterfeit drugs ang negosyante nga unang nabawian saa halos 4 milyones pesos nga balor sa mga peke nga tambal sa pagsilbi sa search warrants sa PNP ug Food and Drug Administration sa Brgy Calabayan,Ozamiz City,Misamis Occidental.
Giila ni Police Regional Office 10 spokesperson Lt Col Michelle Olaivar ang suspek nga si Leonardo Dumar Jr,56 anyos nga nagpuyo sa maong lugar.
Gisikop si Dumar kay nagbaton kini sa mga peke nga medisina nga klaro nakasupak sa kamanduan ni Pres Rodrigo Duterte.
Unang nagmando si Duterte nga dakpon kadtong mga tawo nga nagpalusot ug magmugna sa fake medicines nga paligro sa panglawas sa katawhan.
