CAGAYAN DE ORO CITY – Gibaharan sa pamilyang Cid ang katawhan nga dili na modugang sa ihap mga tawo nga ilegal nga mo-okupar sa ilang gipanag-iya nga yuta diha sa landfill,Zayas,Upper Carmen ning syudad.
Kini kon dili sila gusto nga magkakaso tungod lamang sa pagpanghaylo nga gihimo sa grupo sa mga tawo nga nagpatoo nga lumad nga mi-ukupar niini.
Gihimo ni Atty Alejandro Jose Pallugna,abogado sa pamilyang Cid ang pasidaan nunot sa husay sa lupon tagapamayapa sa Brgy Carmen sa mga panig nga nalambigit sa maong luna kagahapong adlawa.
Gibutyag ni Pallugna nga mag-agad sila sa mahimong lakang sa city govt kay mismo ang city hall biktima usab sa pagpang-iskuwat sa maong grupo.Una nang nagdumili ang grupo ni Datu Lawlawan nga mohawa kay dili sila motahod sa balaod sa nasud.
Samtang gikasuhan na ang pito ka tawong nadakpan tungod sa pagsulod sa yuta nga dili ilaha diha sa Zayas landfill ning syudad.
Gibutyag ni Carmen Police Station commander Major Mario Mantala Jr nga mi-responde sila human makadawat sa report nga may mihimog sa pag-trespassing diin nag-resulta sa pagkasikop sa maong mga tawo.
Miingon si Mantala nga na-recover usab sila’g mga sundang gikan sa maong tawo sa lugar.
Una nang gidid-an ang bisan kinsa nga tawo nga magdala sa armas ug hait nga hinagiban ilabina panahon sa piliay dinhi sa nasud.
Una nang giila ang mga dinakpan nga si Lynde Taal;Livema Taal nga taga-Libona, Bukidnon; Leonilyn Galasanay;Racwel Colating Mesa nga gikan sa Talakag, Bukidnon,Rey Egol ;Joseph Alolino y Fernandez nga pulos taga-Brgy Indahag ug Peter Cabugao nga residente sa Brgy Carmen kay gisudlan nila ang Eco Park nga iya sa syudad sa miaging semana
