CAGAYAN DE ORO CITY – Uyon si COCPO City Director Col Aaron Mandia sa sugyot sa mga negosyante nga did-an na ang mga motorista nga magsul-ob sa helmet kon sa sentro lamang ang ilang mga pagbiyahe.
Pag-uyon kini sa opisyal nunot sa sunod-sunod nga pagpamatay sa mga sibilyan nga hinimuan sa motorcycle in tandem suspects sulod lamang ning bulana.
Maoy gitumbok ni Mandia ang pagpusil-patay sa duha ka head guards ug laing usa ka sibilyan sa managlahing brgysa dakbayan miaging mga adlaw.
Samtang dili pabor ang kadagkuan sa Roads and Traffic Administration sa sugyot nga dili na lamang ipag sul-ob sa helmet ang mga motorista kon ana sa sentrong bahin sa syudad.
Kini bisan nga may motorcycle in tandem suspects ang misiaw pagpamusil sa syudad ug pakyas maila tungod kay nakasul-ob sa helmet.
Gibutyag ni RTA Administrative Officer Benedicto Doy Ramiro nga mas maayong mangita na lamang ug tabangan ang kapulisan pagsulbad sa krimen nga dili panaagi sa pagwagtang sa helmet ilabina nga ang safety sa drivers ang nag-unang tumong niini.
