CAGAYAN DE ORO CITY – Alerto ang kapolisan ug militar nunot sa posibleng mga pag-atake sa rebeldeng New People’s Army o NPA nga ilang himoon ning adlawa.
Kini tungod sa kasaulugan sa armadong pundok sa Communist Party of the Philippines sa ilang anibersaryo ugmang adlawa.
Gibutyag ni Police Regional Office 10 spokesperson Lt Col Michelle Olaivar nga sukad pa sa miaging tuig,wala na’y paglurang ang opensiba sa gobierno rason nga ubay-ubay sa tag-as nga opisyal sa CPP-NPA nga naglakip kang Jorge Madlos alyas Ka Oris ang napatay sa mga engkuwentro.
Miingon si Olaivar nga sa mismong sumad sa mga rebelde,may ilusad usab nga konsyerto ang Cagayan de Oro City Police Office ug 4th ID,Philippine Army sa Kiosko Kagawasan aron dili makahigayon ang mga grupong supporters sa mga rebelde nga makasabwag sa ilang mga propaganda ngadto sa publiko.
Hisayrang sa milabay’ng katuigan,gi-atake sa gatusang NPA combatants ang estasyon sa pulis sa Misamis Oriental apan pakyas nila masudlan ug mapatay ang kapolisan sa pila ka oras nga sinukliay sa mga bala.
