CAGAYAN DE ORO CITY – Ipasaka na ning adlawa sa kapolisan sa piskalya ang kasong murder batok sa company driver nga mipatay sa iyang kanhi live-in parter diha sa Zone 5,Brgy Agusan sa dakbayan.
Kini human unang mitahan sa kapolisan ang suspek nga si SammerSalt Sambaan,34 anyos nga taga-Brgy Tablon ning syudad.
Gibutyag ni Puerto Police Station commander Maj Peter Tajor nga itugyan na nila sa piskalya ang pag-determinar sa kaso aron mahatagan hustisya ang biktima nga si Verna Mae Gumilao,44 anyos nga empleyado sa Bureau of Customs-Tagoloan.
Una nang giangkon sa suspek nga siya ang nakapatay sa biktima sa miaging semana.Dugtong usab niini,gibutyag sa tigpamaba sa Customs District of Cagayan de Oro nga si Angelo Andrade nga gi-abagan nila sa batakang pag-atiman ang kamatayon sa ilang kauban.
Nagdumili man sila sa pag-komento sa hitabo kay hisgutanang pamilya apan kagustuhan nila nga mahatagan sa dinaliang hustisya ang biktima ilabina nga may tulo kini ka anak sa Ozamiz City,Misamis Occidental.
