CAGAYAN DE ORO CITY – Patay sa laing kaso sa pagpamusil sa motorocycle in tandem suspects ang negosyanteng Israeli national nga bag-uhay pa nga nag-abang sa usa ka apartment diha sa 11th- 20th Streets,Brgy Nazareth ning syudad kagabii.
Giila sa imbestigador nga si Police Staff Sgt Roger Baldones sa Nazareth Police Station ang biktima nga si Reuven Baranovitch,hingkod ang panuigon ug kanhi may kapikas nga Pinay nga sila nagpuyo sa Brgy Macasandig ning syudad.
Gibutyag ni Baldones nga wala pa sila’y matumbok nga motibo kon nganong gipusil ang biktima sa wala pa usab mailhi nga mga suspetsado.
Notado ang biktima nga tigpautang kay may negosyo kini nga lending ug may mga kliyente usab siya nga gipangkasuhan kay pakyas nang makabayad sa ilang mga obligasyon.
Dumduman usab nga kining biktima ang kanhi na nagpatabang sa Bombo Radyo kaniadto tungod sa isyu gihapon sa iyang negosyo ning syudad.
