CAGAYAN DE ORO CITY – Mapun-an ang kasong criminal nga atubanganon sa murder convict nga piniriso nga detinado sa Misamis Oriental Provincial Jail diha sa Corrales-Luna Streets ning syudad.
Kini human nasapon sa jail guards ang gipalusot nga duha ka sachets sa gitoohng shabu nga gibutang ilawom sa isdang pidlayan nga alang unta sa binilanggo nga si Virgilio Valcueba nga taga-Jasaan ning lalawigan.
Gibutyag ni MOPJ spokesperson Francis Sarangay nga unang gisulaya’g palusot sa dalaw nga si Alvin Pagao ang kontrabando apan nasangit kini sa inspeksyon rason nasapon kagahapon sa hapon.
Miingon si Sarangay nga kasuhan nila sa paghupot sa ilegal nga droga Valcueba ug si Pagao.
Si Valcueba ang e-biyahiay na unta sa Davao Penal Colony tungod sa kasong murder,rape ug carnapping.
