CAGAYAN DE ORO CITY – Mohimo’g ‘weekly peace and order drive’ ang Cagayan de Oro City Police Office o COCPO sa mga pinili nga brgy dinhi sa syudad.
Kini maoy kamanduan ni COCPO City Director Col Aaron Mandia batok sa tanang suspected criminals nga nagluklok sa dakbayan.
Miingon si COCPO spokesperson Maj Evan Viñas nga nakab-ot sa ‘command group’ ang lakang nunot sa siyam na ka kaso sa pagpamusil-patay na natigayon ning tuiga diin ulahing biktima ang Israeli national nga si Reuven Baranovitch diha sa Brgy Nazareth sa miaging semana.
Samtang gimanduan ni Mandia ang iyang mga pulis nga dili katulgan ang pagsulbad sa kamatayon sa negosyanteng Israeli national diha sa Brgy Nazareth ning syudad.
Miingon si Viñas nga kini ang rason nga giporma ang Special Investigation Task Group Baranovech aron sulbaron ang kamatayon sa biktima.
Siya miingon nga may duha na sila ka persons of interest ug anaa sa 90 porsiento na ang SITG nga ilang madakpan ang mga tinud-anay nga utok sa kremin.
