CAGAYAN DE ORO CITY – Nadakpan sa mga pulis ang upat ka deboto nga migamit sa mga peke nga vaccination cards aron lamang makasulod sa Malasag Hill,Brgy Cugman ning syudad.
Gibutyag ni Lt Earl Cartajena,deputy commander sa Cugman Police Station nga nasapon ang maong mga deboto mismo pagsulod pa lang sa ganghaan nga bahin sa pilgrimage site kagahapon.
Apan gibutyag ni Cartagena nga ang maong mga suspek ang pulos menor de edad diin igo lamang nila gibawian sa fake vaccination cards ug gipapauli.
Gawas niini,wala na’y laing mga dinagko nga kontrabando nga nakompiskar ang mga otoridad gikan sa mga midagsa nga mga deboto.
