CAGAYAN DE ORO CITY – Gidasig sa kapolisan ang gatusang reklamante nga mokaso’g kreminal batok sa mag-live in partner nga unang nasikop sa entrapment operation sa Purok 2,Sapang-dalaga,Misamis Occidental.
Kini aron dili na makagawas ang mga dinakpan nga sila Marilyn Amores,23 ug Nelson Bestre Jr,29 nga pulso nagpuyo sa maong lugar.
Gibutyag ni Police Lt Charien Estenzon,tigpamaba sa Misamis Occidental PNP nga giuhan nila’g dakop ang mga suspek gumikan sa naghitak nga impormasyon nga nalambigit kini sa ‘ghost bidding’ ug investment scam sa gatusang investors sa lalawigan.
Miingon si Estenzo nga agdon nila ang maduso nga mga reklamo sa mga biktima aron gamiton sa pagsang-at niini sa piskalya ugmnang adlawa.
Una nang narekober gikan sa mga suspek ang balor 11-mil pesos cash nga salapi,kantidad 5.4 million pesos nga tseke ug ubang mga ebedensiya sa ilang pagpangilad sa mga tawo sa lugar.
