CAGAYAN DE ORO CITY – Gikompirmar ni Police Regional Office 10 Director Bri Gen Benjamin Acorda Jr nga relib na kini sa katungdanan ug madestino sa Intelligence for Directorate sa Camp Crame.
Kini ang iyang gibutyag sa Bombo Radyo via text message diin maoy gitahasan ni PNP chief Gen Rodolfo Azurin Jr si Brig Gen Lawrence Coop gikan sa Civil Security Group sa Camp Crame ang ihulip kang Acorda dinhi sa PRO 10.
Dugtong niini,nagpasalamat si Acorda sa nakuha niya nga suporta sa tanang stakeholders dinhi sa rehiyon samtang siya pa ang nangulo sa kapolisan aron makab-ot ang kahusay’g kalinaw.
Kabahin sa dakong tahas nga milampos ang PNP kuyog ang AFP ug ubang govt agencies mao ang sugo sa Commission on Elections nga mamintinar ang kahusay’g kalinaw sa Mayo 9 nga piliay dinhi sa rehiyon.
Una usab niini,gibisita ni DILG Secretary Benjamin Abalos ang tropa sa PNP diin gimando ang pagpakusog sa brgy anti drug abuse council o BADAC aron mabungkag ang pinaka-tinubdan sa ilegal nga droga sa sa Northern Mindanao.
