CAGAYAN DE ORO CITY – Walay angayang kabalak-an sa kahimtang sa 32 ka sakay sa RTMI bus nga nahaybol sa Syre Highway, Sitio Mangima, Tangkulan, Manolo Fortich, Bukidnon.
Sa pakighinabi sa Bombo Radyo, gibutyag ni Police Maj. Carlito Chua, hepe sa Manolo Fortich Police Station nga napulo lang kanila ang naangol apil ang driver nga si Tommy Magno nga taga San Andres, Bunawan, Agusan del Sur.
Apan pulos ‘minor injuries’ lamang ang naangkon sa mga biktima ug nakagawas na sa balay tambalanan.
Asoy ni Chua nga gikan sa Cagayan de Oro ang bus ug padulong sa Davao City sa dihang nahaybol kini sa maong dapit.
Basi sa pahayag sa bus driver, wala mihawid ang preno ug danlog ang dalan tungod sa ulan nga hinungdan sa disgrasya.
