CAGAYAN DE ORO CITY – Gitahasan sa Camp Crame ang ilang PNP-Anti-Kidnap for Ransom Group nga luwason ang abduct victim nga si Engr Abdel Fara Mapandi nga taga- Cagayan de Oro gikan sa mga kamot sa iyang kidnappers ug nagtagu-tago sa Lanao del Sur.
Kini human unang gidagit ang biktima nga negosyante ug sub-contractor sa pipila ka govt projects sa DPWH 10 mismo sa iyang kauban sa negosyo samtang natulog sa Sitio Putaon,Brgy Malinao,Kalilangan,Bukidnon sa miaging kadlawon.
Gibutyag ni Police Regional Office 10 spokesperson Lt Col Michelle Olaivar nga natumbok na nila ang suspected kidnappers ug ang nagpasugo hinungdang may gihimo na nga mga negosasyon.
Gitumbok nga away sa kinitaan sa proyekto ang hinungdan kon nganong gipadagit sa suspek ang biktima ug atua gidala sa Lanao del Sur.
