CAGAYAN DE ORO CITY – Misukol ug namusil hinungdang napugos ang mga pulis pagbalos-pusil sa mag-live in partner ug laing sibilyan samtang gisilbi ang warrant of arrest nga gilugwa ni Panabo City RTC Branch 4 Presiding Judge Carmel Grado sa Purok 22,Brgy Butong,Quezon,Bukidnon.
Kini ang pag-depensa ni PRO 10 regional director Brig Gen Lawrence Coop kon nganong napusilan-patay ang target nga si Joseph Pateres ingon man ang iyang kaipon nga si Marissa Libringka ug Jun Plaza.
Miingon si Coop nga igo lang nagsilbi sa mando sa korte ang iyang mga pulis apan namusil ang mga suspek ngadto kanila hinungdan nga sila mibalos ug mi-depensa sa kaugalingon.
Narekober sa crime scene ang kalibre 45,granada,duha ka kalibre 38 nga armas ug gitoohang drogang shabu.Si Pateres ang dunay kasong pagpatay ug attempted murder hinungdang gimando sa korte ang pagsikop unta kaniya sa miaging Domingo sa gabii.
Hisayrang sa maong operasyon,samaron ang usa sa mga pulis nga kabahin sa gustong modakop sa mga suspek.
