CAGAYAN DE ORO CITY – Kasuhan sa kapolisan sa parricide ang duha ka anak ug laing lima ka apo nga miunay pagsunog-patay sa 84 anyos nga lola diha sa Sitio Palipi,Brgy Baliwagan,Balingasag,Misamis Oriental.
Giila ni Balingasag Police Station commander Maj Teodoro de Oro ang biktima nga si Teofila Cabusas nga residente sa maong lungsod.
Gibutyag ni De Oro nga nagkauyon ang mga anak nga sila Jocelyn Ercilla ug Nicolas Cabusas nga sunugon ang ilang inahan subay sa pagmando sa apo nga si Crisanto Ercilla kinsa namugos nga gikunsaran sa esperito sa namatay na nga si Philippine Bennovolent Christian Missionaryfounder Master Tomas Eugenio.
Apil sa kasuhan ang laing mga apo nga sila Russel Ercilla,Remier ug Charlie Cabusas kinsa pulos detinado sa mini-cell sa Balingasag PNP.
Una nang gisunog ug pagkahuman giliguan ayha gipasayaw-sayaw sa mga suspek ang biktima hinungdang nangayo’g tabang sa PNP ang laing anak nga si retired army member Hipolito Maninggo aron mapakgang ang hitabo.
