CAGAYAN DE ORO CITY -Depensa sa kaugalingon hinungdang nahinaykan sa habal-habal driver padunggab-patay ang iyang kauban nga gikalalis niini tungod lamang sa pasahero sa syudad sa miaging semana.
Kini ang katarungan sa suspek nga si Jesus Delit,minyo nga nagpuyo sa Sitio Manggahan,Brgy Balulang apan lumad nga taga-Malabang,Lanao del Sur kon nganong nadunggaban niya ang biktima nga si Roland Camanse nga residente sa Brgy Camaman-an ning syudad.
Miingon si Delit nga giatangan siya sa biktima gawas sa city health office hinungdang nagka-sumbagay sila ug mi-resulta sa pagpanunggab.
Namugos usab ang suspek nga iya sa biktima ang kutsilyo nga nagamit niya pagpanunggab ayha kini misibat padulong sa Lanao Sur.
Boluntaryo lamang kining mitahan nunot sa hangyo sa iyang pamilya nga atubangon ang maong salaod.
Samtang gikasuhan na sa kapolisan sa pagpatay ang habal-habal driver nga mitahan kanila kinsa suspek sa kamatayon ni Camanse.
Miingon si Cogon Police Station commander Maj Julius Saluta nga kasong murder ang ilang gipasaka ug ang piskalya na ang mag-igo kon inaug nila sa homicide case ang atraso batok sa suspek nga si Delit.
Siya miingon nga tratado na ang kaso nga sulbad ang dugu-ong hitabo.
