CAGAYAN DE ORO CITY – Walay nakitang ‘foul play’ ang kapolisan sa paghikog sa usa ka negosyante diha sa Sammerville Subd., Brgy. Lumbia ning syudad kagahapon.
Naila ang biktima nga si Stanley Pablete, 45 anyos, minyo nga residente sa maong lugar.
Nakaplagan na lamang sa iyang kapikas ang biktima nga nagbitay sa kisame sa usa ka abandonadong balay nga wala na’y kinabuhi.
Nagpakamatay kini pinaagi sa paghikot sa pisi sa iyang li-og.
Miingon si Police Maj. Aldren Ubalde Baculio, hepe sa Lumbia Police Station nga basi sa ilang pag-imbestigar, posibleng problema sa negosyo o kaha trabaho ang rason sa pagpakamatay sa biktima.
