CAGAYAN DE ORO CITY – Patay ang upat ka sakop sa pamilya gumikan sa pag-ulbo sa kalayo sa ilang pinuy-anan sa Purok 1,Brgy Tangueguiron,Tubod,Lanao del Norte.
Giila ni Tubod Police Station commander Ahmad Sanihin ang mga biktima nga sila si Charita Cabus,71 anyos; Roy JR,20 anyos;Raisa Christine Rona Cabus,22 anyos ug Psyche,11-month old nga pulos nagpuyo sa maong lugar.
Subay sa ilang imbestigasyon,napangayo pa’g tabang sa mga silingan ang mag-amahan nga si Roy ug Cheska Cabus apan wala na maluwas pa ang upat ka mga biktima tungod sa kadako sa kalayo.
Mihimo pa sa dugang imbestigasyon ang Bureau of Fire Protection ug kapolisa kon walay foul play sa kamatayon sa mga biktima samtang nagsunog ang balor 500-mil pesoss nga estimated damage nga balay.
