CAGAYAN DE ORO CITY – Gimando ni City Police Dir. Col. Aaron Mandia sa kapolisan nga dili ihunong ang pagpangita sa 18-anyos nga driver nga miligis sa duha ka tawo diha sa Taguanao bridge,Brgy. Indahag ning syudad sa miaging adlaw.
Namatay sa maong hitabo ang biktimang si Paul John Levita, 26 anyos samtang anaa sa kritikal nga kahimtang si Rufus Levita, 22-anyos, pulos taga Dolores-Tiano Street ning syudad.
Miingon si COCPO spokesperson Lt. Col. Evan Vinas nga migawas sa imbestigasyon nga nasuko ang driver sa Hyundai accent, kolor black nga may plakang KEV-1246 sa dihang gikantisawan ang iyang kaubang ‘person’s with disability’ o PWD hinungdang gipangligsan ang mga biktima.
Giingong nag-inom ang grupo sa suspek ug mga biktima sa wala pa nahitabo ang kremin.
Mi-apelar si Vinas sa publiko nga gilayong i-report sa kapolisan kon ilang na-ilhan ang suspetsadong driver.
