CAGAYAN DE ORO CITY – Patay ang security guard sa Cebuana Lhuiller sa pagpamusil sa Purok 1, Brgy Kuya, Maramag, Bukidnon.
Naila ang sekyu nga si Pedro Talaid Gamino Jr, 38 anyos, minyo, security guard sa Cebuana Lhuiller Branch sa Purok 3, North Poblacion nga taga Salawagan,Quezon.
Dead on arrival sa ospital si Gamino samtang samaron usab si Medardo Langot Fantonial Jr , 31 anyos, minyo kinsa lead liaison officer nga taga-Lantapan sa dihang apil sa napagan.
Nagsakay sa motorsiklo ang mga biktima aron mag deposito ug kwarta sa Pangantucan ug Kalilangan Branch apan kalit silang gi-atangan sa upat ka wala mailang armado sakay sa Yamaha MIO color black ug XRM color red.
Gipusil sa tulisan ang sekyu ug giilog ang black backpack nga may sulod nga salapi ug dayong sibat sa deriksyon padulong sa Pangantucan.
Dali nga gidala sa BPH-Maramag Bukidnon ang napusilan nga sekyu apan gidiklera kini nga dead on arrival.
Narekober sa posisyon niini ang issued firearm,nga adunay sulod nga walo ka buhing-bala.
Gibutyag nga ang nailog nga backpack nga dala sa mga biktima ang adunay sulod nga cash nga nagkantidad sa kapin o kulang tres milyones pesos.
