CAGAYAN DE ORO CITY – Nanganti si City Mayor Klarex Uy nga mangunay pagsilot sa grupo sa mga batan-on nga sakop sa gangs kon subling makahimo’g ngilngig nga kremin dinhi sa dakbayan.
Kini human barugi sa mayor nga dako siya nga supak nga dunay maporma nga gang nga klaro nga peligro sa tinubdan sa kagubot.
Gihimo sa mayor ang mensahe dungan sa paghangyo sa mga ginikanan nga ilikay ang ilang mga anak sa pagsalmot sa gangs aron dili na masubli ang pagrambol sa Soy Shit Dem ug Kaibigan Lang Po diin nag-resulta nga dunay nadunggaban-patay nga 14 anyos diha sa Corrales Avenue ning syudad.
Una nang gimanduan ni Uy si City Police Director Col Aaron Mandia nga hinagbuon ang tanang gangs kuyog ang ilang ginikanan alang sa usa ka dayalogo.
Kini aron likayan nga masubli nga nadunggaban-patay ang batan-on nga si Nathaniel Ebalang nga taga-Brgy Camaman-an ning syudad sa miaging adlaw’ng Domingo sa hapon.
