CAGAYAN DE ORO CITY – Gi-andam na sa kapolisan ang kaso batok driver sa Toyota Sports car nga mibangga sa motorsiklo nga gisakyan sa mag-inahan diha sa Zone 11, Upper Carmen ning syudad kaganinang sayo sa buntag.
Namatay si Analy Mabaylo samtang naangol ang iyang anak nga si Rodana Mabaylo, 16-anyos nga taga Zone 1, Brgy. Balulang sa syudad.
Miingon si City Traffic Investigator Police Corporal Maximo Judaya nga basi sa inisyal nga imbestigasyon kusog ang dagan sa sports car nga gimaneho ni Louie Neri Amodong sa dihang nabangga-an niini ang motorsiklo nga gimaneho ni Rodana, kinsa padayong gitambalan sa Northern Mindanao Medical Center.
Asoy ni Judaya nga gibutyag ngadto kaniya ni Amodong nga may gilikayan siyang sakyanan, busa, iyang nabangga-an ang mag-inahan.
Kasong Reckless Imprudence Resulting to Homicide, Serious Physical Injury ug damage to property ang atubangon sa 27 anyos nga driver sa sports car.
