CAGAYAN DE ORO CITY – Detinado ang suspek pagtigbas-patay sa motorela driver sa usa ka gasoline station diha sa dalang Tomasaco,Brgy Nazareth ning syudad.
Giila ni Nazareth Police Station commander Maj Allan Cairel ang biktima nga si Galenciano Geron Jr,62 anyos samtang ang suspek mao si Dannyboy Daing nga pulos nagpuyo dinhi sa syudad.
Gibutyag ni Cairel nga wala makabantay ang biktima nga gikalitan kini’g tigbas sa suspek gamit ang 23 pulgadas nga sundang hinungdan nga dead on arrival na kining nasulod sa Northern Mindanao Medical Center kagabii.
Gilayong nasikop usab ang suspek human dasmagi sa nag-respondeng pulis ug detinado sa mini-cell sa maong police station.
Giakusar sa suspek nga nahimo niya ang kremin kay dunay dugay nang utang balor 30-mil pesos ang biktima ngadto kaniya.
