CAGAYAN DE ORO CITY – Kasuha’g murder sa kapolisan ning adlawa ang ilang kaubang pulis nga namusil-patay sa gikainom nga sibilyan sa Zone 3,Lower,Brgy Agusan ning syudad.
Giila ni Puerto Police Station commander Police Maj. Peter Tajor ang suspek nga si Police Staff Sgt Junlit Raboy Lubino samtang ang biktima mao si Drixel Tumbaga nga pulos nagpuyo sa maong lugar.
Sa pakisusi sa mga otoridad,nagkalalis ang duruha sinaksihan sa ilang kainom nga si Norberto Sabonot nga kalit mi-resulta sa pagpamusil gamit ang 9mm pistol.
Naigo sa dughan ang biktima ug gidali pagdala sa Sabal Puerto Hospital apan wala na maluwas sa mga doktor kagahapong adlawa.
Si Lubino kinsa nadestino sa Jasaan Police Station ang kasamtanang detinado sa Puerto Police Station.
Gawas sa murder case,atubangon usab sa suspek ang kasong administratibo sulod sa PNP.
