CAGAYAN DE ORO CITY – Luwas na ang kahimtang sa 15 ka personahe ug trainees sa Bureau of Jail Management and Penology o BJMP Region 10 nga naangol human nadisgrasiya ang ilang sakyanan diha sa Lumbia road ning syudad kaganinang buntag.
Gilangkuban kini sa lima ka regular personnel sa BJMP ug 10 ka trainees.
Gibutyag ni SJ01 Chris Edrolin, driver sa BJMP convoy nga kalit nga nahaybol ang sakyanan nga gimaneho ni J01 Bernard Ranoa sa dihang mi-overtake kini sa sakyanan sa Philippine Air Force.
Padulong sila sa operasyon sa dihang nahitabo ang insidente.
Nagtoo si Edrolin nga ‘mechanical error’ ang hinungdan sa aksidente samtang nagpadayon pa ang ilang imbestigasyon.
