CAGAYAN DE ORO CITY – Gitutukan sa kapolisan ang posibilidad nga may kalabutan sa ginadiling druga ang pagpusil-patay sa usa ka mamaligya-ay sa lemonsito diha sa Tangkungan, Pinikitan, Camaman-an ning syudad kagabii.
Naila ang biktima nga si Elmer Daulong, 18 anyos, ulitawo, residente sa maong lugar ug lemonsito vendor sa Cogon Market.
Gibutyag ni Police Master Sgt. Ian Zafra, imbestigador sa Cogon Police Station nga basi sa inisyal nga imbestigasyon, anaa gawas sa ilang panimalay ang biktima sa dihang gipusil kini sa wala mailang suspek gamit ang 38 kalibreng armas.
Na-igo ang biktima sa iyang ulo nga maoy hinungdan sa hinanali niining kamatayon. Padayong gipangita sa kapolisan ang responsable sa maong kremin.
