CAGAYAN DE ORO CITY – Gitakdang kasuhan sa pagsupak sa balaod sa pagbaligya’g ilegal nga droga ang suspected bigtime shabu dealer nga nadakpan sa hiniusang operasyon sa mga personahe sa Regional Police Drug Enforcement Unit 10 ug Cogon Police Station 2 sa Sitio Talisay,Brgy Indahag ning syudad.
Giila ni PRO 10 regional director Brig Gen Lawrence Coop ang dinakpan nga si Arlie Praquilles,34 anyos nga taga Brgy Poblacion,Libona,Bukidnon.
Nakompiskar sa mga operatiba ang 10 ka nagkadaiyang gindak-on sa pakete sa gitoohang shabu diin dunay estimated market value nga 1.3 million pesos.
Miingon si Coop nga nagsilbi kini nga buena mano nga dakong kalampusan sa tropa sa PRO 10 sa pagsugod sa tuig diin haom sa gihingusgan nga Buhay Ingatan,Droga’y Ayawan o BIDA program ni DILG Secretary Benjamin Abalos Jr.
Detinado una sa mini-cell sa Cogon Police Station ang suspek ug sulod ning adlawa kasuhan sa piskalya ning syudad.
