CAGAYAN DE ORO CITY – Luwas na ang siyam ka trabahante sa Crystal Sugar Milling Corporation sa Maramag,Bukidnon.
Kini human sila napaso sa kemikal gikan sa mibusikad nga ekipo sa maong kompanya sa miaging adlaw.
Miingon si Maramag Police Station commander Police Lt Col Julius Clark Macariola IV nga hinoon walay grabeng naangkon nga damyos ang mga biktima.
Gani,nakagawas na ang upat sa mga biktima samtang gipasalig sa kompanya nga sila ang motubag sa tanang galastuhan niini sa ospital.
Samtang nagdumili una pagtug-an ang kompanya kon nganong kalit dunay pagbusikad sulod sa ilang trabahuan sa miaging adlaw.
