CAGAYAN DE ORO CITY – Nabawian sa armas ug mga bala ang aktibong konsehal sa brgy diha sa Sihayon,Brgy Sta Cruz,Tagoloan,Misamis Oriental.
Kini human ilusad sa taga- CIDG-Cagayan de Oro ang ‘OPLAN PAGLALANSAG OMEGA’ batok kang Sta. Cruz Brgy Kag. Eurist del Pilar,47 anyos,minyo ug nagpuyo sa Zone 9,Sihayon sa maong lungsod.
Gibutyag ni CIDG-Cagayan de Oro team chief Police Maj. Gilbern Banderado nga maoy nakuha pinasikad sa search warrant ang kalibre 45,magazine,pito ka bala ug sling bag color gray sa operasyon.
Detinado sa mini-cell sa CIDG-Cagayan de Oro ang suspek samtang gihikay ang pagduso’g kaso batok kaniya sa piskalya ning adlawa.
Napasayon ang paghupot sa CIDG sa opisyal kay nagkoordinar sila sa mga pulis ubos sa Tagoloan Police Station sa operasyon kagahapon sa buntag.
