CAGAYAN DE ORO CITY – Nakomatos ang usa ka amahan ug luwas na ang 4 anyos nga anak niini tungod sa pagkahilo samtang mikaon sa hinatag nga ginataang isdang butete gikan sa iyang bayaw sa Brgy Bolisong,Kinoguitan,Misamis Oriental.
Giila ang na-comatose nga amahan nga si Jobert Vicente kinsa kasamtangang nakigbisog sa iyang kinabuhi samtang gi-admit sa Northern Mindanao Medical Center.
Saysay sa kabanay nga nanghanggat sa pagpangaon ang mangingisdang si Ramboc Egcalinos ngadto sa mga biktima kay gipatoo man kini nga niluto nga manok-bisaya.
Paglabay sa pipila ka minutos,mibati na’g kalain sa ilang mga lawas ang biktima hinungdan nga dali gidala sa provincial hospital sa maong lugar.
Apan wala matabang ug namatay si Egcalinos samtang gidali pagbalhin sa NMMC ang mag-amahan hinungdang luwas na ang 4 anyos nga biktima sa kuyaw nga kahimtang.
Dugtong niini,mipasidaan si Kinonguitan Mayor Junjun Lagbas nga likayan ang pagkaon sa maong klase sa isda aron dili na masubli ang hitabo.
