CAGAYAN DE ORO CITY – Nasubo ang kagamhanang lokal sa lungsod sa Quezon tungod sa dugu-ong aksidente nga gikamatay sa ilang tulo ka empleyado sa Bukidnon.
Giila ni Quezon Police Station commander Police Maj Noel Cano ang mga namatay nga sila Linabo Brgy Kag. Eduardo Serino Jr; Ronald Rene Pantua ug Ricardo Sayron nga pulos nagpuyo sa maong lugar.
Subay sa imbestigasyon,pauli na ang mga biktima sakay sa boom truck gikan naghatod sa mga imburnal as dihang natigayon ang disgrasya.
Dead on the spot ang mga biktima pag-abot sa ospital samtang padayong gitambalan ang laing biktima nga si Ronald Ratunil tungod sa mga samad sa iyang ulo.
Padayong gihimo pa ang imbestigasyon sa kapolisan kabahin sa hitabo.
